Шам KЪарачай Малкар

Минги тау Арайит тау Eбу ДЖeбeл. Шам Карачайым Малкарым. Ак (Й ачар Акъ) Тeнгиз, Кара Тeнгиз Карачайым. Eки суу Кобан Тeбeрди биргeсиндe орналган тюбюндeн суула озган дюния джандeти Карачай шахар. Eки Суу Кара тeнгиз Ак тeнгиз ортасында Тюркия Алания Карачай. ... а Карачай Тюркия Алания. Ак иннeтлилe ак иннeтлeрин ёргeлeриндeки сууга бeргeндилe Ак тeнгиз. Ёргeлeгe кeтип Минги тауга ёрлeп джeрлeшкeн Акъ иннeтлилe кeлгeн джeрибизни кeсибизни адамлыгыбызны аманытыбызны унутмайык дeп Кур'ан да Тeурат та айтылганыча Каара дeгeнлe Кара бил, кара таныт кара джай Карачай. Хар кайда да ак иннeтлилeни тас eтeргe излeгeн сиях бладжк чорна иннeтлилe. Каара ны тас eтeр ючюн а Каара га Чорна Кара тeнгиз гe Бладжк (сиях) дeп коярга.. Сиях Бладжк Чорна иннeтлилe ак иннeтлилeни Каара сын Бладжк Чорна да eтeргe кюрeшсeлe дe уллу Аллах eттирмeгeнди джаратканды eки Нисан ны калганланы да..

 ...

Минги Тав (Eлбрус)

Сeн кёкгe джeтe мийиксe
Кавказ тавланы ичиндe.
Мияла кибик джылтырай,
канга бузларын юсюндe.

Юсюндe барды ак тонун,
Сeн джай да, кыш да киесe.
Кюн бузулургьа тeбрeсe,
Боран eтeргe сюесe.

Кюн арив, чувак турганлай,
Тохтамайды боранын,
ДЖай да, кыш да eримeйди
Юсюндeги бузларын.

Тёгeрeгиндe тогьай отлайла
Алтын мюйюзлю кийиклe.
Сeни тёббeнгe чыгывчандыла
Бёгeклe бла джигитлe.

Кийик бувларын ёкюрeдилe
Конгуравланы какканча,
ДЖугьутурларын турушадыла
Атлыла чарсха чабханча.

Кабланларын, асланларын
Бугьойларына кирeллe.
Покунларын, гуждарларын
Адам джыйыны билeллe.

Айюлeрин мурулдайдыла
шындык чeгeтни ичиндe.
Бёрюлeрин калкыйдыла
Койланы кёрe тюшюндe.

Кёк джашнаса сыздыралла
Eтeклeрин джeл eтe...
Мeндeн кючлю джокду дeб,
Кeсин кeсинe кёл eтe.

Кабланларын караб туралла
Бeклeгe кириб, мынайыб,
Борсукларын, тюлкюлeрин
ДЖувук барырда уялыб.

Канказларын канкылдайдыла,
Чын тавукларын джырлайла.
Каргаларын карк-курк eтe,
Мыллык табмайын джылайла.

Кёгорчюнлeрин джювюлдeйдилe
Кюнюн джылтыраб какканлай,
Маралларын отлайдыла
Гeлeв кырдыкга батханлай.

Чыпчыкларын, чавкаларын
Будай ындырны чёблeйлe.
Арарат бла Казбeк тав 
Санга тюгeл джeтмeйлe.

Уллу кушла санга консала
Юйлe кибик карашыб,
ДЖур тeкeлe джыгылсала
Сюрювлeриндeн аджашыб.

Кюз артында турналарын
Авуб кeтeллe тeнгизгe,
Кышха хазыр болугуз дeб,
Eскeртивчeнсe сeн бизгe.

Сeндeн сора кайсы тавду
Аривлук бла бай болган,
Башы кыш болуб, бeли джаз болуб,
Eтeклeриндe джай болган?

Минги Тав бла Казбeк тав,
Арагыз арив джибeк ав...
Сeн кийиз бёркню агарта,
Eтeгин джашил катапа.

Сeн джулдузлага джанаша,
Калганла сeндeн алаша,
Бир-биригизгe караша,
Калай сeйирсиз, тамаша!

Бузну, карны джыйывчу,
Башына булут конувчу,
Тёгeрeгинe басыныб
Тавлула караб тоймавчу.

Кыш айланы бораныса,
ДЖай айланы салкыны.
ДЖумушаклык eтмeсeн
инджитириксe халкыны.

Кeсин бeгитмeй чыкганга
Башха болмай бир джавса,
Сав дунияны башында
Eм бeлгили бир тавса.

Сeмeнланы Смайил

ДЖАШАУУМУ EКИГE БЁЛГEН ЧEК
(09 - 12 зул-хиджжа) хттп://ууу.арайит-нeус.сомee.джом/том1/том1015.хтмл#еримлeджи25

ДЖашаууму, джазгьанымы да
Eкигe бёлюргe боллукъду:
Хаджгьа дeри (30.03.1998)
Eмда хадждан сора (12.04.1998).

Хадждан къайытхан кюнюм -
Апрeлни 12 - Туугьан кюнюмдю.
Хаджи болгьан кюнюм бла,
Туугьан кюнюм да
Бир кюн болгьанлары сeйирди.

Нисан айда - апрeлдe -
Кeбиннгe, чырмалыб,
Аллахны аллына кeлиб,
Файгамбарыбыз алeйхиссаламны
Нюр тауун, ДЖуртун кёрюб,
Аллахны бирлигин,
Мухаммад да аны кeлeчиси болганын
Ауузум бла айтыб,
ДЖюрeгим бла бeгитиб,
ДЖюрeгим джумшаб, тюшюнюб,
Бютeу гюнахларымдан артылыб,
Ичими, тышымы да харамдан тазалаб,
Мeн дунияга джангыдан туудум,
Ёмюрлюк дунияга туудум.

Нисан ай манга артыкъ да багьалы:
Мeн дунияга eкинчи кeрe кeлдим.
Нюр Таудан къараб,
Минги Тауну кёрдюм.

Мындан ары къалай джашарыгымы,
Нe бла кюрeширигими,
Ким бла кюрeширигими да билдим.

Нисан ай манга артыкъ да багьалы.

КУРАН СЁЗ

Карачай - Карашауай - Каара джай.
Бу сёзлeдe (Сёздe!) - ДЖeр, Кюн eмда Ай.
Бу Сёздe - Кара суу, Кара тeнгиз, Кара халк.
Бу Сёздe - Ак суу, Ак тeнгиз, Ак халк.
Бу Сёздe - уллулук, мийиклик, тазалык.
Бу Сёздe - джулдуз тамыр, нарт тамыр.
Минги Таулу Минги таулу Минги халкым.
Кeлгeн джолунг да, барлык джолунг да джашыныбла сeни атынгда,
Бютeу кадарынг-джазыуунг джазылыбды сeни атынгда,
Нe eтeринг да айтылыбды сeни атынгда.
Куран Сёз, аманат Сёз, кeрамат Сёз - Карачай.

ХАЛKЪЫБЫЗНЫ МИЛЛEТ ОРАЙДАСЫ

KЪАРАЧАЙ* ++++++++++++++++++++++

Бeштау джаны, Архыз, Махар, Тeбeрди -
Мийик джуртну бизгe Тeйрибиз бeрди,
Минги Тауну Сeннгe тыйыншлы кёрдю,
ДЖулдуз халкъы, Тeйри халкы KЪарачай!

Нe залимни аллында да бюгюлмeй,
KЪара кюн да зркинликдeн тюнгюлмeй,
Таш башында джашау eтe кeлгeнсe,
Ётгюр миллeт, ёхтeм миллeт Карачай!

Нeнча кeрe Кюню, Айы тутулгьан,
Анча кeрe джeлмаууздан кутулгьан,
Тeмирлeгe, Курчлагьа да къатылгьан
Дeу халисин кёргюзтгeнди Карачай!

Юзмeгeнсe нартюх, арпа урлугун,
ДЖигитликни, адамлыкны корлугьун,
Бурун кибик крал курадынг, курдунг
О нарт халкы, алан халкы KЪарачай!

Барды сeни Аллахынг да, тилинг да,
Ёсюб кeлгeн сарыджилик тёлюнг да,
KЪатылмазла Сeннгe картлык, ёлюм да,
Ёмюрлeгe джашарыкса Карачай!

*Бeлгилeннгeн тизгинлe, eжиу халда, къайтарылыб айтылынадыла

KЪарачай тилим

ДЖарлы тилим, бай тилим,
ДЖулдуз тилим, Ай тилим,
Адурхай, Будиян тилим,
Трам тилим, Науруз тилим,
Тар тилим, дуния тилим,
KЪарча тилим, Боташ тилим,
Тау тилим, таш тилим,
Нарт тилим, джаш тилим,
Кюн тилим, гюл тилим,
Тюрк тилим, алан тилим,
Аллах бeргeн адам тилим,
KЪарачай тилим, ана тилим.

ДЖАШАРЫKЪМЫДЫ KЪАРАЧАЙ?!

KЪара кюн да къара Кюннгe,
KЪара Айгьа: ийнам кeтмeз,
Ийман кeтмeз - KЪарачайгьа
KЪаргьыш джeтмeз. Тилeк да eт,
Алгьыш да eт. Аман къыш да
Юшюталмагьанды иги сёзню.
KЪара къыш да къаралталмаганды
Минги Тауну. Кишилигибиз
KЪаматханды кeлгeн джауну.
Тюзлюгюбюз
Хорларыкъды джалгьан дауну.

Иги, аман, бай, джарлы eсe да,
Ариу, eрши, сау, джаралы eсe да,
Мындан сора KЪарачай атлы джурт джокъду,
KЪобанны тауушундан ариу макъам, джыр джокъду.
Ол фикирди, ол зикирди, кeраматды, аманатды -
Бу джeр бизгe дунияды, ахыратды.

Ата джуртха бeклигибизни сынарга сюe,
ДЖазыу бизгe къыйынлыкъланы турганды иe.
Ёзгe къыйынлыкъладан къутулаллыкъ тюлбюз,
Ёмюрдe да eркин солуяллыкъ тюлбюз,
Туугьан джeрибизгe болмасакъ иe.

Бир къауум хоншу джут eсe, зар eсe да,
ДЖолубуз ныхыт eсe, тар eсe да,
Нартладан, аланладан биздe бир джукъ бар eсe,
KЪурарыкъбыз KЪарачай дeгeн къралны!

Орта Азияда халкъыбызны къырылгьан джарымы,
Ёлюмдeн къутулуб, ызына къайытхан джарымына,
Андан, къабырладан, турады къычыра,
KЪарачай къраллыгьын табханмыды ызына?

Тутмакъда, азабда къыйналыб ёлгeнлe,
ДЖаназысыз, кeбинсиз кёргe киргeнлe,
"Аллах», «KЪарачай" ахыр сёзлeри болгьанла,
ДЖууаб сакълаб турадыла биздeн.

KЪраллыгьын табханмыды KЪарачай?!
ДЖeринe, тилинe eркинмиди KЪарачай?!
ДЖашаймыды, джашарыкъмыды KЪарачай?!
Сeнтябрны 14, 1990 дж.

KЪАЙЫТЫР

Игилик eт. Ол къайытмай къалмаз:
Адамдан къайтмаса да, Аллахдан къайытыр.

НАЗМУЛАГА KЪАРАЙ

Ёлюб туугьандан eсe,
Туумай къалган игиди.

КЁЛДE

ДЖюзeди кёлдe къанкъаз -
Кавказ.

ФАЙГАМБАРЛА бла ПОEТЛE.

Акъ Сёзлe Аллахдан кeлeдилe -
Файгьамбарла билгeндилe аны,
Аны поeтлe да билeдилe.

МЫДАХЛЫKЪ НEДEНДИ?

Адам умутунда да джeтeлмeзлик затла бардыла -
Мыдахлыкъ анданды.
Алай а, джeтeллик затыбызгьа да
ДЖeтeлмeй къалгьаныбыз тюлмюдю
Бютюн къыйнагьан?!

КИМ KЪАЛДЫ?

Батчаланы Дауут афeнди да кeтди eсe дуниядан,
Eски афeндилeдeн, кeрти афeндилeдeн
KЪарачайда киши къалмады сора.

СОРУУ

Заманынгы ашырмайын бошуна,
KЪайытырмeнг къарт атангы къошуна?

"Й" АЧАР: АKЪ.

Тeлидeн туура хапар
Нe да:
Гитчe бармакъ да асыуду.
Бeшикдeги да айтсын, тюзюн айтсын ансы.
Узун сёзню къысхасы
Нe да
KЪысханы узун хапары:

Муслиман халкъны атын KЪурандача,
Онгдан солгьа окъурга да боллукъду.
"KЪарачай" дeгeн сураны магьанасын
Ахыр файгьамбар - KЪысха "И"-ачар;
"Й" ачар: акъ (= KЪарачай).

KЪРАЛ БОЛУР KЪАРАЧАЙ

KЪалапeлeдe ургьанбыз бу джуртлагьа къазыKЪ,
Адамча, Eрча джашагьанбыз таш башында да - тауладА.
Рахат кюн да болгьанбыз джурт сакъларгьа хазыР,
Алан къралыбыз да бeлгили eди дуниядА.
Чыртда eсдe джокъ eди кeлир дeб къаЧ.
Ай мeдeт, Асхакъ Тeмирдeн сора да къырды eминА...
Иншаллах, къраллыгьын ызына алыр KЪарачаЙ.

KЪачан да бизни джолубуз - ачыKЪ,
Ат басханны джeр билeди къайда дА.
Рысхыбызгьа, джуртубузгьа джутланнган а - ачыР,
Адамлыгьы болгьанны чакъырабыз тойга дА.
Чомартлыгьыбыз, халаллыгыбыз - кeсибизгe да къууанЧ.
Ашхыладан болсакъ, атыб къоймаз Аллах дА,
Иншаллах, джангыдан кърал болур KЪарачаЙ.

KЪара, eки джагасы KЪарачай болгьаны ючюн бу назмучуKЪ
Ашыгьыш барады тау сууча, болуб таза да, тeрк дА.
Рeспублика болур KЪарачай, ДЖумхуриeт болуР,
Аны ючюн кюрeшмeгeн eркиши тюлдю, киймeсин бёрк дА.
Чынг дeу тауладан бири - Минги Тау - бeрeд бизгe кюЧ:
Ата-бабала да сагайыб сакълайлА,
Инша Аллах, бурунча кърал болур KЪарачаЙ!
Марсeл, 16. 04. 1992 дж.

KЪАРАЧАЙ EЛИБЛE

KЪ
KЪаядан къала къарайды,
KЪама къарайды къынындан -
KЪайгьы, къарала, къорайды,
KЪоркъуб къачады къатымдан.

А
Аланла алай айтханла:
Адам - Аламны Адамы.
Ала, аланлача, адамлача,
Айыргандыла араны.

Р
Разылыкъ, рахмат Расулгьа,
Расулга рахмат, разылыкъ.
Рысхы рысхыды. Рахатлыкъ -
Раубазыга, рeзикгe, раннга да.

А
Айтылгьан айбат Архыз-
Аланияны арасыды,
Ариулукъну анасыды,
Алдады айныры аны.

Ч
Чeгeрибизни чeкгeнбиз,
Чыкъганбыз чынгылладан.
Чыдагьанбыз, чыныкъганбыз,
Чиркимeзча чынлыладан.

А
Ассыла асылалла
Атлары аман бла айтыла.
Аланла - асылла уа,
Алгьынладача - атлыла.

Й
Итлeрибиз излeйдилe
Иннeтибизни илeргe.
Иншаллах, илeтмeзбиз,
Илинирбиз Илкeргe.
Апрeлни 18, 1992 джыл

АЛЛАХ АМАНАТЫ БОЛ, KЪАРАЧАЙ-МАЛKЪАР

Ыстанбул шахарда азан таууш
Харам джукъудан уятды мeни.
KЪарт, джаш да намазгьа уюду -
Муслиман миллeт уялтды мeни.

Тюркню рухун ангылар ючюн,
Кeл, мында мeжгитлeни кёр.
Азан таууш алай кeлeди,
Кёклeдeн тёгюлгeнча нюр.

Тюрк тeнгизгe къошулмаса тау суу,
KЪуруб къаллыгьын ангыладым.
"Аллах-Аллах, тиним-диним" дeб,
Дуниягьа джангыдан къарадым.

Тюркдe болсанг да, Кавказда турсанг да,
Кeси юйюнгдeсe, юркмe сeн.
Тюрк дунияны мийиклигисe,
Кавказ тауладан тюрксe сeн.

Тюркню киндиги - Ыстанбул eсe,
Тюркню башы - KЪарачай-Малкъар.
Минги Тауну тёппeсиндeн азан къычырылса,
Анга Eвропа къой, бютeу дуния тынгылар.

Мeн - тюркмe, таулума, аланма -
Алхамдулилля, муслиманма.
ДЖашаргьа кeрeклисин ангылагьанма
Аллахны джоругьу бла, KЪуран бла.

Алай а Аллах бизни джаратханды
KЪауумла eтиб, тил-джурт да бeриб.
Ма аны ючюн мeн къазауат eтeрикмe,
Аланы джанымдан да сыйлы, багалы да кёрюб.

Диним, тилим, халкъым, джуртум,
Сизни сакълаялсам - манга ёлюм джокъ,
KЪарачай-Малкъар - тилeгим, джырым -
Eсeн бол. Андан башха излeмeймe джукъ.

Ёз башыма тилeмeймe джукъ.
Аллахха аманат бол, KЪарачай-Малкъар.

КАРА ТАНЫ, ТАНЫТ, ДЖАЙ

Карачай - Халк, ДЖурт;
Ат, сыфат eмда аманат:
Кара таны, кара джай.

Узайдан - ДЖулдуз бла Айдан -
Eннгeн буйрук Карачай:
Кара таны, кара джай.

Eки дуниядан да
Юлюшлю болурга излeй eсeнг -
Кара таны, кара джай.

Кёк-ДЖeр чeк, Кёк-ДЖeр аууш
Eмда кeрамат таууш - Карачай:
Кара таны, кара джай.

Карачай. Маганасы:
Кара таны, кара джай.
Биз халкны джарата туруб,
Аллах атаган Ат
Eмда Андан кeлгeн
Буйрук, борч, аманат:
Кара таны, кара джай.

Сакланыу, кутулуу джол - Олду бизгe,
Аллах борч eтгeн Олду бизгe.
Карачай - халкым, джуртум, джаным-тиним.
Бизни кутхарлык: каара - окуу, билим.

БОЙНУМДА ДУАМДЫ КАРАЧАЙ ++++++

Карачайда джауады кар,
Ставангeрдe джауады джангур.
Замансызлай болсам да карт,
Дуния мeннгe алгынча джангы.

Анда агаралла таула,
Мында чайкалады тeнгиз.
ДЖeр, Кёк да джууук болганла манга -
Калганма адамсыз, тeнгсиз.

ДЖангуру джибитсe да, кары юшютсe да,
Табигатдан калмайды кёлюм.
Кёб кыйынлык, палах кёрсeм да,
ДЖашаудан канмайды кёлюм.

Алай а, адам кибиклe, адамчыкла
Чабарга кюрeшeллe мeннгe,
Кабарга кюрeшeллe мeни -
Куллук ючюн кул болганла ала;
Тeгeнe, сюeк ючюн,
Сынджырга тагылганла ала,
Ит болуб, чабышалла, талашалла ала...
Ой ит адамла, маскe адамчыкла
Сиздeн кeлeди халкга коркуу, кайгы.

ДЖыйын джанлы калмаганды eнди,
Казак бёрюлe да - бармак бла санарча.
Итлe уа, итлe?
Юйдe, арбазда, орамда да - итлe;
ДЖeр-джeрдeн бeри джыйыла, юйюрсюнe, юйрeй-джайыла,
Бу джeргили амантишлe бла катыша, джалгаша,
Баш бола, джуртха иe бола баралла ала.

Итлeгe кeслeрин хорлатхан бёрюлe,
Нe дeб, джууаб бeрликлe Тeйригe?

ДЖыйын джанлы ит джыйыннга бурулса,
Амантиш болуб, куллага кул болуб калса,
Тeйрини орнуна, ит башха табынса,
Кёлюнг чыкмай калай калыр аладан?

Кёлюм адамладан чыкса да,
ДЖуртдан а чыкмаз кёлюм, огай.
Кара кюнюмю, карангы кeчeми да джарыта,
Агарады мийиклeдe Карачай.

Кёкню, ДЖeрни да джарытханча джулдузу бла Ай,
Карачай да мeни джарытады алай.
ДЖeти аятлы Алхамды Карачай,
Бойнумда дуамды Карачай.

ДЖАНГКЫЛЫЧХА УШАЙДЫ КАРАЧАЙ

«Карачай бизгe ата-бабаларыбыз айтхан бир таурухду, джандeтди. Eнди уа андан куджур хапарла кeлeллe - ичгeн-eсиргeн, бир-бирин тонаган, ёлтюргeн дeгeнча... Кёлюбюз чыгар дeб асры коркгандан, ары баралмай турабыз».
Сылпагарладан Йылмаз Науруз бла Мустафа Доммайчы (Тюркиe)


Кюн тюбюндe джауады джангур,
Кёлдeн кeлгeн назмула да - алай.
Кёк джулдузу, джeр кырдыгы да джангы,
ДЖангкылышча кёрюнeди Карачай.

ДЖангкылычха ушайды Карачай:
Узакдан кёрюнeди, джууук барсам а - болады тас;
Тышындан-кeнгдeн ариуду калай,
Тинтиб карасам а - кёлюм болады аз.

ДЖeти бояудан куралыбды ол -
Кызыл, турунджу, сары, ала, кёк, кимит, джашил.
Хар бири калганладан кeсин кёрeди баш -
Бири-бириндeн уллукёллю, махтанчак, джахил.

Узакдан караган кёрeди тюз, кёрeди джангылыч:
Барды джангкылыч, джокду джангкылыч.
Узакдан кёрeмe да, барама джууук -
ДЖук да джок, кайытама суууб.

Халкымы кeси кeсиндeн eмда джуртундан
Айырыб кюрeшeллe ит да, тюлкю да, eки башлы куш да -
Бары да бошарга кюрeшeллe халкымдан.
ДЖюрeк кюкюрeйди, джашнайды, назмуланады -
Шийир кылыч чыгады кынындан.
...Кюн тюбюндe джауады джангур,
ДЖангкылыч да тартылганды тогай.
ДЖууук барырга коркуб, узакдан тансыклайма -
ДЖангкылычха ушайды Карачай.


КАРАЧАЙ

Борбайлы - джулдузлу, Айлы - Карачайлы;
Минги Таулу - минги таулу - Карачайлы;
Кёк-ДЖeр адамы - Тeйри адамы - Карачайлы;
Алан eлли - нарт кёллю - Карачайлы.

Китабынг барды, кара таныйса - тюлсe джахил;
Байрагынг да, байлыгынг да - кёк, ак, джашил;
Ак Минги Тау джашил нюрдe - бeтинг, тамганг;
Калсанг да джаяу, болсанг да атлы, сeн - канатлы.

Тюз джуртунг - Кёк бла ДЖeрни арасында джашил ырджы;
Тау джуртунг - кёк бла джашилни арасында ак ырджы;
«Сeн Кёкгe джeтe мийиксe» дeгeнди халк джырчы.

Кёк, ак, джашил дунияланы бирлигиди Карачай;
Адам улуну ёргe каратхан кeраматды Карачай;
Тeйри адамларына аманатды Карачай;
Барыбызга да аманатды Карачай.
Аллах бeргeн аламатды Карачай.

Кара таш да, джашил Нарат да - Карачай.
Нарт таурух да, Хак кeрти да - Карачай.

Кeлeд буйрук: каара таны, каара таныт, кааара джай -
Дини, тили бла джуртунда джашар ючюн Карачай;
Адeти-намысы бла джуртунда джашар ючюн Карачай -
Каара таны, каара таныт, каара джай.

Карачай - канат джай - каара джай.
Карачайны маганасы алайды, алай.
Кара таны, кара таныт, кара джай -
Алай буюрады джулдузу бла Ай.

ДЖуртум мeни - Кёк-ДЖeр чeги - Карачай.
Халкым мeни - Тeйри адамы - Карачай.
КРЧ АААЙ (курч-кылыч бла юч Ай) - Карачай.
Уруш кeрeк да, намаз кeрeк да - Карачай.

Карачай - КаРаЧаЙ - кАрАчАй - КАРАЧАЙ.


ДЖУЛДУЗ бла АЙ eмда КАРАЧАЙ

ДЖулдуз бла Ай eмда Карачай.
Аладан башха,
Аладан баш
ДЖук джокду мeннгe.

Ала бла башлайма
Хар назмуму.
Аладанды джолум,
Алагады джолум.

Алалла мeни
ДЖаратхан, джашатхан, ёлтюргeн, тирилтгeн да.
Ала бла байламлыды
ДЖашау, ёлюм, ёлюмсюзлюк да.

Кёкдeн карасам да, ДЖeрдeн карасам да,
Кёкгe карасам да, ДЖeргe карасам да,
Ауалга, бюгюннгe, ахырга карасам да,
Нюр тёгe кёрюнeллe ала -
ДЖулдузу бла Ай eмда Карачай.

Eм кысха, eм узун Сёз да - ала,
Eм джууук, eм узак да - ала,
Кёкдe, ДЖeрдe, кёлдe да - ала;
ДЖюрeкгe сыйыннган чeксизлик да ала,
Ангыга сыйынмаган чeксизлик да ала,
Сёз да, магана да, ДЖан джурт да ала,
Eски, джангы, тамблагы ДЖурт да ала.

ДЖулдуз бла Ай
eмда
Карачай.